Azəri

Surah At-Tariq ( The Night-Comer ) - Aya count 17

وَٱلسَّمَآءِ وَٱلطَّارِقِ ﴿١﴾

And olsun göyə və gecə gələnə! (Gecə peyda olub gündüz qeyb olana!)

وَمَآ أَدْرَىٰكَ مَا ٱلطَّارِقُ ﴿٢﴾

(Ya Peyğəmbər!) Sən nə bilirsən (haradan bilirsən) ki, gecə gələn nədir?!

ٱلنَّجْمُ ٱلثَّاقِبُ ﴿٣﴾

(O, zülməti yaran) parlaq ulduzdur!

إِن كُلُّ نَفْسٍۢ لَّمَّا عَلَيْهَا حَافِظٌۭ ﴿٤﴾

Elə bir kimsə yoxdur ki, onun üstündə bir gözətçi (mələk) olmasın!

فَلْيَنظُرِ ٱلْإِنسَٰنُ مِمَّ خُلِقَ ﴿٥﴾

Elə isə insan nədən yaradıldığına (bəsirət gözü ilə) bir baxsın!

خُلِقَ مِن مَّآءٍۢ دَافِقٍۢ ﴿٦﴾

O, axıb tökülən bir sudan (nütfədən) yaradılmışdır.

يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ ﴿٧﴾

(O su kişilərin) bel sümüyündən, (qadınların isə) köks sümüyündən çıxar!

إِنَّهُۥ عَلَىٰ رَجْعِهِۦ لَقَادِرٌۭ ﴿٨﴾

Həqiqətən, (Allah) insanı (öləndən sonra) yenidən diriltməyə qadirdir! -

يَوْمَ تُبْلَى ٱلسَّرَآئِرُ ﴿٩﴾

Bütün sirlərin aşkar olacağı o qiyamət günü;

فَمَا لَهُۥ مِن قُوَّةٍۢ وَلَا نَاصِرٍۢ ﴿١٠﴾

(O gün) insanın nə (əzabı dəf edəcək) bir qüvəsi, nə də bir köməkçisi olar!

وَٱلسَّمَآءِ ذَاتِ ٱلرَّجْعِ ﴿١١﴾

And olsun yağış sahibi olan göyə;

وَٱلْأَرْضِ ذَاتِ ٱلصَّدْعِ ﴿١٢﴾

And olsun (növbənöv bitkilər yetirmək üçün) yarılan yerə ki,

إِنَّهُۥ لَقَوْلٌۭ فَصْلٌۭ ﴿١٣﴾

Bu (Qur’an haqla nahaqqı) ayırd edən kəlamdır!

وَمَا هُوَ بِٱلْهَزْلِ ﴿١٤﴾

O, oyun-oyuncaq (əyləncə) deyildir!

إِنَّهُمْ يَكِيدُونَ كَيْدًۭا ﴿١٥﴾

Həqiqətən, (Məkkə müşrikləri Qur’anın nurunu söndürmək üçün) hiylə qurdular.

وَأَكِيدُ كَيْدًۭا ﴿١٦﴾

Mən də (hiylələrinə qarşı) onlara cəza verirəm.

فَمَهِّلِ ٱلْكَٰفِرِينَ أَمْهِلْهُمْ رُوَيْدًۢا ﴿١٧﴾

Elə isə (ya Peyğəmbər!) kafirlərə möhlət ver! Onlara azacıq möhlət ver!