Azəri

Surah Al-'alaq ( The Clot ) - Aya count 19

ٱقْرَأْ بِٱسْمِ رَبِّكَ ٱلَّذِى خَلَقَ ﴿١﴾

(Ya Peyğəmbər! Qur’ani-Kərimi bütün məxluqatı) yoxdan yaradan Rəbbinin adı ilə (bismillah deyərək) oxu!

خَلَقَ ٱلْإِنسَٰنَ مِنْ عَلَقٍ ﴿٢﴾

O, insanı laxtalanmış qandan yaratdı.

ٱقْرَأْ وَرَبُّكَ ٱلْأَكْرَمُ ﴿٣﴾

(Ya Peyğəmbər!) Oxu! Sənin Rəbbin ən böyük kərəm sahibidir!

ٱلَّذِى عَلَّمَ بِٱلْقَلَمِ ﴿٤﴾

O Rəbbin ki, qələmlə (yazmağı) öyrətdi.

عَلَّمَ ٱلْإِنسَٰنَ مَا لَمْ يَعْلَمْ ﴿٥﴾

(O Rəbbin ki) insana bilmədiklərini öyrətdi.

كَلَّآ إِنَّ ٱلْإِنسَٰنَ لَيَطْغَىٰٓ ﴿٦﴾

Xeyr, insan azğınlıq edər,

أَن رَّءَاهُ ٱسْتَغْنَىٰٓ ﴿٧﴾

Özünün dövlətli olduğunu gördüyü üçün!

إِنَّ إِلَىٰ رَبِّكَ ٱلرُّجْعَىٰٓ ﴿٨﴾

Axı sənin axır dönüşün Rəbbinədir!

أَرَءَيْتَ ٱلَّذِى يَنْهَىٰ ﴿٩﴾

Gördünmü o kimsəni (Əbu Cəhli) ki, mane olur

عَبْدًا إِذَا صَلَّىٰٓ ﴿١٠﴾

Bir bəndəyə (sənə) namaz qıldığı vaxt?

أَرَءَيْتَ إِن كَانَ عَلَى ٱلْهُدَىٰٓ ﴿١١﴾

Bir de görək, əgər o doğru yoldadırsa,

أَوْ أَمَرَ بِٱلتَّقْوَىٰٓ ﴿١٢﴾

Yaxud (xalqa Allahdan) qorxmağı əmr edirsə, (sən belə bir əməl sahibinin namaz qılmasına nə üçün mane olur, ona ibadət etməyi niyə qadağan edirsən? Bundan da rəzil iş olarmı)?!

أَرَءَيْتَ إِن كَذَّبَ وَتَوَلَّىٰٓ ﴿١٣﴾

(Ya Peyğəmbər!) Bir de görək, (əgər sənin namaz qılmağına mane olan kimsə Qur’anı) yalan sayır və (imandan) üz döndərirsə,

أَلَمْ يَعْلَم بِأَنَّ ٱللَّهَ يَرَىٰ ﴿١٤﴾

Məgər bilmir ki, Allah (onun bütün əməllərini) görür?!

كَلَّا لَئِن لَّمْ يَنتَهِ لَنَسْفَعًۢا بِٱلنَّاصِيَةِ ﴿١٥﴾

Yox, yox! (Əbu Cəhl bu yaramaz əməllərinə son qoysun). Əgər son qoymasa, and olsun ki, Biz onu kəkilindən yapışıb (Cəhənnəmə) sürükləyəcəyik -

نَاصِيَةٍۢ كَٰذِبَةٍ خَاطِئَةٍۢ ﴿١٦﴾

Özü də yalançı, günahkar kəkilindən!

فَلْيَدْعُ نَادِيَهُۥ ﴿١٧﴾

Qoy o özünün bütün tərəfdarlarını (köməyə) çağırsın!

سَنَدْعُ ٱلزَّبَانِيَةَ ﴿١٨﴾

Biz də zəbaniləri (Cəhənnəmdəki əzab mələklərini) çağıracağıq!

كَلَّا لَا تُطِعْهُ وَٱسْجُدْ وَٱقْتَرِب ۩ ﴿١٩﴾

Yox, yox! Sən (ey Peyğəmbər!) ona uyma! Sən ancaq (Rəbbinə) səcdə et və (Ona) yaxınlaş!

Surah Al-'alaq ( The Clot )

Azəri

Share